१२ कात्तिक,काठमाडौँ : नेपाली कांग्रेसले आगामी मङ्सिर ४ गते हुने प्रतिनिधिसभा र प्रदेशका लागि पार्टीको चुनावी संकल्प-पत्र (घोषणापत्र) सार्वजनिक गरेको छ । कांग्रेस पार्टी सभापति एवं प्रधानमन्त्री शेरबहादुर देउवाले पार्टी केन्द्रीय कार्यालय सानेपामा आज आयोजित पत्रकार सम्मेलन मार्फत सो संकल्प-पत्र (घोषणापत्र) सार्वजनिक गर्नुभएको हो ।
घोषणा-पत्रमा ‘संविधानको रक्षा, स्थायित्व र समुन्नति सहितको आधार : नेपाली कांग्रेसको नेतृत्वमा अबको सरकार’ भन्ने मूल नारा रहेको छ । साथै समसामयिक राजनीति, निरन्तरतामा नवीनता, सम्मुन्नत नेपालको मार्गचित्र लगायतका विषय वस्तु समेटिएको छ ।
संकल्प-पत्र तयारी समितिका संयोजक विश्वप्रकाश शर्माले बिपीकालीन दस्तावेज देखि स्थानीय तहसम्म पार्टीका तर्फबाट घोषणा गरिएको विषय वस्तुका आधारमा घोषणा-पत्र तयार गरिएको बताउनु भयो ।(रासस)
आफ्नो प्रतिकृया दिनुहोस्