काठमाडौं । काठमाडौं महानगरपालिकाका मेयर बालेन्द्र साह र ‘हामी नेपाल’ का संस्थापक सुधन गुरुङ विरुद्ध नेकपा एमाले सम्बद्ध विद्यार्थी संगठन अनेरास्ववियुका नेताहरूले काठमाडौं प्रहरी परिसरमा जाहेरी दिएका छन्।
मंगलबार प्रहरी परिसर पुगेका अखिलका पूर्व अध्यक्ष समीक बडालले जाहेरी दर्ता भएको जानकारी दिएका छन्। उनले आफूहरू कानूनी राज्यको पक्षधर विद्यार्थी संगठन भएकाले विधिको शासन कायम गर्नु पर्ने माग सहित जाहेरी दिएको स्पष्ट पारे।
‘हामीले जाहेरी दिएका छौं। प्रहरी प्रशासनले २४ घण्टा भित्र सरकारी वकिल सँग सल्लाह गरेर निर्णय लिने बताएको छ,’ बडालले भने। ‘हामी विधिको शासनलाई समर्थन गर्दै आएका हौं, त्यसैले अशान्ति र अराजकतामा संलग्नलाई प्रशय दिनु हुँदैन भन्ने मान्यताले यहाँ उपस्थित भएका हौं।’
उनले सिंहदरबार सहित सरकारी संरचनामा भएको आगजनी र तोडफोडमा संलग्नलाई प्रमाण सहित छानबिनको दायरामा ल्याउनु पर्ने माग समेत गरेका छन्।
आफ्नो प्रतिकृया दिनुहोस्