रवि मण्डल, जनकपुरधाम,२२ कार्तिक । नेपाली काँग्रेस जिल्ला कार्य समिती धनुषाले बृहत्तर जनकपुर क्षेत्र विकासको परिषदको सभाहलमा जिल्ला कार्यकर्ता भेला तथा तथा छठपर्व को अवसरमा शुभकामना आदानप्रदान कार्यक्रम सम्पन्न गरेको छ।
ने.का.का केन्द्रीय सदस्य तथा गृहमन्त्री बालकृष्ण खाँडको प्रमुख आतिथ्यमा सम्पन्न कार्यक्रममा प्रदेश नं.२ का नेपाली कांग्रेस संसदीय दलका नेता एवं प्रदेश सरकारमा रहेका भौतीक पुर्वाधार तथा यातायात मन्त्री राम सरोज यादव, केन्द्रीय सदस्य महेन्द्र यादव,रामकृष्ण यादव,आनन्द प्रसाद ढुंगाना, फर्मुल्लाह मनसुर,स्मृतिनारायण चौधरी,मिनाक्षी झा लगायतका वक्ताहरूले आ-आफ्नो मन्तव्य दिएका थिए।
उक्त कार्यक्रममा प्रदेशमंत्री राम सरोज यादवले बजेट भाषण हुनु भन्दा २ दीन पहिले मात्र आफु मंत्रीमा नियुक्त भएको हुदाँ कम बजेटको कारण नागरिकहरुले चाहेको प्रदेश क्षेत्रमा बजेट मिलाउन आफुलाई आच्छु बाच्छु भएको आत्म-आलोचना गर्दै आब ल्याइने बजेटमा प्रदेश अन्तरगतका सबै जिल्ला,नगर,गाउँ तथा बस्तीको समस्या समाधान हुनेमा विश्वास व्यक्त गरेका थिए। यदुवंसी जस्तै आफैमा लडेर नाश तर्फको मुख हेर्नु भन्दा पार्टी भित्रका उत्पन्न भएको समस्या समयमै अन्त गरिनु पर्ने समेतमा प्रदेशमंत्री यादवले जोर दिएका थिए।
ने.का.का केन्द्रीय सदस्य फर्मुल्लाह मनसुरले पार्टी भीत्र बाटनै भएको विवादास्पद आक्रमणले गर्दा पार्टी सामुन्ने विकट परिस्थिति सिर्जना भएको बताए। नेताहरुलाई विश्वासमा लिन नसकेको कारण ओली सरकार जस्तै यो सरकारको पनी हालत हुनेमा चिन्ता प्रकट गरे। विभिन्न शिर्षकमा सरकारले झन्डै ३५ अरब को राहत पैकेज ल्याउन थालेको जानकारी दिदैं नेता मनसुरले नागरीकता सम्बन्धी विवादलाई विशेष विधेयक मार्फत चाडैं पहल गरिने अस्वाशन दिएका छन्।
नेपालको सिमावर्ती क्षेत्रमा मल खाद्य को अत्यन्त अभाव रहने गरेको हुदाँ खुला बोर्डर बाट साधारण किसानहरुले सायकलमा ल्याउने खाद्य प्रहरीले समात्ने गरेको र ट्रकहरु बाट भैरहेको खुला तस्करी रोक्न प्रहरी असफल भन्दै गृहमंत्री सामुन्ने आफ्नो आक्रोश व्यक्त गरे। मधेशी पार्टीहरुमा एक्ला एक्लै लड्ने सामर्थ्य नरेहेकोले उनीहरु अपवीत्र गठबन्धनमा गएको समेत नेता फर्मुल्लाह मनसुरले आरोप लगाएका छन्। सो कार्यक्रमलाई सम्बोधन गर्ने क्रममा छ।
ने.का.का केन्द्रीय सदस्य तथा गृहमन्त्री बालकृष्ण खाँडले धनुषाको यस एतिहासिक कार्यक्रममा आफुले सबैलाई सम्मान गर्न चाहेको तथा सबैको सहमतीबाट एक लोकत्रान्तिक माहोल स्थापना गर्नु पर्नेमा चर्चा गरेका छन् । यो सरकारले जनताको जीवनरक्षाको लागि जुन सुकै बलिदान दीन तयार रहेको भन्दै कसैले पार्टीका नेताहरुलाई असफल बनाइ आफु सफल हुनेमा नसोच्न मंत्री भनेका छन्।पद कसले पाउला,मंत्री को बन्ला ,मुख्यमंत्री को बन्ला यस विषय धेरै विवाद गरे पार्टीको हालत ओली जस्तै हुने जस्तोमा गम्भीर हुन् सबैमा आग्रह गरे।
ओलीवाद कै कारण आज एमालेमा अंधवाद शुरु भएको स्मरण गराउदै पार्टीको कमी कमजोरी लाई समयमै सम्बोधन गर्नुमा मन्त्री खाँडले जोड दिएका थिए। सरकारले प्रहरी लाई १५ प्रतीशत रासन भत्तामा वृद्धि तथा रिटायर हुने बेला ५ वटा ग्रेड थप्ने निर्णय गरेको र चाडैं नै तल्लो तहको प्रहरी जवान अधीकृतहरुको लागी एक विशेष पैकेजको घोषणा गर्ने बताए।अब बन्ने सबै सरकारी तथा समाजीक भवन लाई अपांग मैत्री बनाउन प्रतिबध्ता गर्दै गृहमन्त्री बालकृष्ण खाँडले छठपर्वको अवसरमा उपस्थित प्रदेशमंत्री,पुर्व मंत्री,सांसद,पुर्व सांसद,कार्यकता,सक्रिय कार्यकता,जिल्ला अध्यक्ष,विभिन्न पदमा रहेका अध्यक्ष,सदस्य लगायत धनुषाका सबै वर्तालु तथा उनका परिवारमा शुभकामना व्यक्त गरेका थिए।
जिल्ला उपसभापति संतोष यादवको सभापतित्वमा कार्यक्रम आयोजीत गरिएको थियो भने कार्यक्रम संचालन धनुषाका पार्टी जिल्ला सचिव बिशेश्वर यादवले गरेका थिए। कार्यक्रममा प्रमुख अथिति गृहमन्त्री खाँडलाई महोत्तरीका नेपाल तरूण दल तथा बृहत्तर जनकपुर क्षेत्र विकास परिषदको तर्फबाट अध्यक्ष शालिग्राम सिंह र कार्यकारी निर्देशक बलराम ठाकुर ले सम्मान गरेका थिए ।
आफ्नो प्रतिकृया दिनुहोस्