१८ चैत,काठमाडौं । मुग्लिन–नागढुंगा सडक-खण्ड आज देखि तीन दिनसम्म रातिको समयमा बन्द गरिने भएको छ।
चितवनको इच्छाकामना गाउँपालिका–४ अन्तर्गत घोप्टेभिर लगायतका स्थानमा सडक स्तरोन्नति कार्य जारी रहेकाले राति सवारी आवागमन रोक्ने निर्णय गरिएको जिल्ला प्रशासन कार्यालय चितवनले जनाएको छ।
सूचना अनुसार आज देखि तीन दिनसम्म राति १० बजे देखि बिहान ४ बजे सम्म उक्त सडकखण्डमा सवारी सञ्चालन पूर्ण रूपमा बन्द रहनेछ। यस अवधिमा तीव्र गतिमा सडक सुधारको काम अघि बढाइने बताइएको छ।
यात्रुहरूले बारम्बार सवारी रोकिनु पर्दा हुने असुविधालाई ध्यानमा राख्दै रातिको समयमा मात्र सडक बन्द गर्ने निर्णय गरिएको सम्बन्धित निकायले जनाएको छ।
आफ्नो प्रतिकृया दिनुहोस्