आजदेखि नयाँ आर्थिक वर्ष सुरु

१ साउन,काठमाडौँ । आर्थिक वर्ष २०८२/८३ आज देखि शुरु भएको छ । प्रत्येक वर्ष साउन १ गते देखि नयाँ आर्थिक वर्ष शुरु हुने व्यवस्था छ । सोही अनुसार नयाँ आर्थिक वर्ष शुरु भएको हो ।
सरकारले वि.सं. २०१८ साल देखि आर्थिक वर्षको शुरुवात साउन महिनामा शुरु भई असार महिनामा सकिने व्यवस्था गर्दै आएको छ ।

नयाँ आर्थिक वर्षले खास गरी सरकारी कारोबार सँग सम्बन्धित विषयका परिवर्तन गर्ने छ । यसले राजस्व, शुल्क, जरिवाना लगायतका व्यवस्था गरिएका परिवर्तन लागु गर्न शुरु गर्ने छ ।
तीन तहका सरकारले सार्वजनिक गरेको बजेटको आज देखि पूर्ण कार्यान्वयनको शुरुवात हुनेछ ।

करको दरमा भएको परिवर्तन मध्ये आज लेखि नै कतिपय व्यवस्था लागु भइसकेका छन् । विलासिता कर लगायतका केही व्यवस्थाको कार्यान्वयन आज देखि शुरु हुने छ ।