सर्लाही । टिकटक भिडियो खिच्ने क्रममा खोलामा हामफालेका बारा प्रसौनी–२ का २१ वर्षीय बिक्की गोसाईंको शव ६ दिनपछि फेला परेको छ ।असोज १९ गते देखि बेपत्ता भएका उनको शव शुक्रबार बिहान फेटा गाउँपालिका–१ स्थित त्रिवेणी खोलामा भेटिएको हो ।
प्रहरीका अनुसार गोसाईं साथीहरु सँग दुधौरा खोलामा टिकटक भिडियो खिच्न हाम फालेका थिए । उनका साथीहरू पौडेर किनारमा पुगे पनि गोसाईं भने खोलाको तीव्र वेगमा बगेर हराएका थिए ।शुक्रबार बिहान खोलाको बगरमा शव देखे पछि स्थानीयले प्रहरीलाई जानकारी गराएका थिए ।
शवको पहिचान गर्दा सो शव बिक्की गोसाईंकै भएको पुष्टि भएको बाराका प्रहरी प्रवक्ता तथा प्रहरी नायब उपरीक्षक (डीएसपी) विजयराज पण्डितले बताए । घटना बारे थप अनुसन्धान भइरहेको प्रहरीले जनाएको छ ।
आफ्नो प्रतिकृया दिनुहोस्