१३ चैत,काठमाडौं । नेपाली कांग्रेसका निवर्तमान सभापति शेर बहादुर देउबाले नवनियुक्त प्रधानमन्त्री बालेन शाह लाई बधाई तथा सफल कार्यकालको शुभकामना दिएका छन् ।
शुक्रबार सामाजिक सञ्जाल मार्फत उनले प्रधानमन्त्रीमा नियुक्त भएका शाह प्रति हार्दिक बधाई व्यक्त गर्दै सफल कार्यकालको कामना गरेका हुन् । साथै, उनले नवगठित मन्त्रिपरिषद्का सबै सदस्यहरूलाई पनि बधाई दिँदै सफलताको शुभेच्छा प्रकट गरेका छन् ।
त्यसैगरी, नेकपा (एमाले)का अध्यक्ष के.पी.शर्मा ओलीले पनि प्रधानमन्त्री शाहलाई बधाई दिएका छन् । उनले शाहको नियुक्ति पछि नयाँ सरकारको सफलताको कामना व्यक्त गर्दै मन्त्रिपरिषद्का सबै सदस्यहरूलाई पनि शुभकामना दिएका हुन् ।
ओलीले नयाँ नेतृत्वले मुलुकको आवश्यकता र जनताको अपेक्षा अनुसार काम गर्ने विश्वास व्यक्त गरेका छन् । उनले प्रधानमन्त्री शाह सहित सम्पूर्ण मन्त्रिपरिषद्को कार्यकाल सफल र फलदायी रहोस् भन्ने कामना गरेका छन् ।
आफ्नो प्रतिकृया दिनुहोस्