काठमाडौं । बङ्गालको खाडीबाट प्रवेश गरेको जलवाष्पयुक्त मनसुनी वायूको प्रभावका कारण आज देशभर मौसम बदली हुने मौसम पूर्वानुमान महाशाखाले जनाएको छ।महाशाखाका अनुसार कोशी र मधेस प्रदेशका धेरै स्थानमा पूर्ण बदली रहनेछ भने बागमती र लुम्बिनी प्रदेशमा सामान्य बदली रहने अनुमान गरिएको छ। अन्य प्रदेशहरूमा आंशिक बदली हुने देखिन्छ।
आज दिउँसो कोशी र मधेस प्रदेशका धेरै भागमा तथा देशका अन्य प्रदेशका पहाडी र तराई भू–भागका केही स्थानमा मेघगर्जन र चट्याङ सहित मध्यम वर्षा हुने सम्भावना छ। साथै, कोशी र मधेस प्रदेशका एक–दुई स्थानमा भारी वर्षा हुने पूर्वानुमान गरिएको छ।
आज राति पनि कोशी, मधेस र बागमती प्रदेश सहितका पहाडी भू–भागमा सामान्य बदली रहनेछ भने बाँकी भू–भागमा आंशिक बदली रहने सम्भावना छ। यस्तै, कोशी प्रदेशका पहाडी क्षेत्रका केही स्थानमा राति भारी वर्षा समेत हुने महाशाखाले जनाएको छ।
आफ्नो प्रतिकृया दिनुहोस्