काठमाडौं । राजनीतिक विश्लेषक प्रा.डा. सुरेन्द्र केसीले वर्तमान सरकारले जेनजीको कुनै पनि माग पूरा गर्न नसक्ने बताएका छन् ।शुक्रबार रिपोर्टर्स क्लब नेपालमा आयोजित साक्षत्कार कार्यक्रमलाई सम्बोधन गर्दै उनले GEN-Z हरुले आफ्दो माग आफैं छाडेको बताए । GEN-Z को सरकार बन्नु भन्दा पहिला टीओआर बन्नु पर्नेमा त्यसो नभएको उनले बताए ।
‘ GEN-Z को कुरा त केही पनि पूरा हुन्छ भन्ने मलाई लाग्दैन अबको अवस्थामा । किनभने आफ्नो मागहरु छोडेको GEN-Z आफैंले हो । GEN-Z सरकार बन्नु भन्दा पहिला यसको टीओआर बन्नु पथ्र्यो,’उनले भने ।साथै, उनले अब निर्वाचन गराउनका लागि प्रधानमन्त्री सुशीला कार्की नै अग्रसर भएर दलहरुसँग संवाद थाल्नु पर्ने बताए ।
अब तीन वटा मन्त्रालयमा GEN-Z हरुको तर्फबाट सहभागी गराएर मन्त्री बनाइनु पर्ने उनको माग छ ।‘प्रधानमन्त्रीले नै अग्रसर भएर दलहरुसँग संवादको प्रक्रिया थाल्नु पर्छ । जेन–जीहरुलाई विश्वासमा लिनु पर्छ । ३ वटा मन्त्रालय बाँकी छन्, ती ३ वटा मन्त्रालयमा जेन–जीहरुलाई नै मन्त्री बनाइ दिनु पर्छ,’ उनले भने ।
आफ्नो प्रतिकृया दिनुहोस्