बैशाख ७.जनकपुरधाम । मुख्यमन्त्री लालबाबु राउतले कोरोना भाइरस महामारीको रुप लिए त्यसबाट उत्पन्न हुन सक्ने परिस्थिति व्यवस्थापनको लागी नेपाली सेना मध्य पूर्व पृतनाले गरेको तैयारी सम्बन्धी प्रदर्शनीको अवलोकन गर्नु भएको छ।मध्य पूर्व पृतनाले महेन्द्रनगर स्थित गणमा गरेको प्रदर्शनीको अवलोन गर्दै मुख्यमन्त्री राउतले नेपाली सेनाको तयारी बारे आवश्यक जानकारी प्राप्त भएको र यसले अन्य सुरक्षा निकाय र स्वयंसेवी संस्थालाई समेत लाभ पुर्याउने विश्वास व्यक्त गर्नु भयो ।
नेपाली सेनाले कोरोना संक्रमित व्यक्तिको पहिचान देखी अस्पताल पुर्याउने र मृत्यु भएपछिको अवस्थामा शव व्यवस्थापन सम्मको तैयारी बारे प्रदर्शनी गरेको थियो ।उक्त प्रदर्शनीमा व्यवस्थापनमा खटिने सुरक्षा कर्मीले प्रयोग गर्ने पिपिई देखी शव व्यवस्थापनमा अपनाइने अन्य उपायहरु बारे समेत जानकारी गराएका थिए ।
नेपाली सेना मध्यपूर्व पृतनाका पृतनापति शुरेश कुमार कार्कीको अध्यक्षतामा भएको उक्त प्रदर्शनीमा मुख्यमन्त्री राउतका अतिरिक्त नेपाल प्रहरीका प्रदेश प्रहरी प्रमुख पद्युमन कुमार कार्की, सशस्त्र प्रहरीका डिआइजी, धनुषा र महोत्तरीका प्रमुख जिल्ला अधिकारी, प्रादेशिक अस्पताल जनकपुरका मेडिकल सुपरिंटेंडेंट लगायतका चिकित्सकहरुको उपस्थिति रहेको थियो ।
आफ्नो प्रतिकृया दिनुहोस्