९ जेठ,जनकपुरधाम : कोरोना महामारी नियन्त्रणका लागि प्रदेश नं. २ का सरकारले जनकपुरधाम र राजविराजको लागि नयाँ २ वटा पी.सी.आर.मेसिन खरिद गरेको छ । मन्त्री परिषदले जनकपुरधाम ,बिरगंज तथा राजविराजमा परीक्षण ल्याव संचालन गर्ने निर्णय अनुसार जनकपुरधाम र राजविराजको लागि आर.टि.पि. सि.आर.मेसिन खरिद गरेको हो। सो पि.सि.आर.मेसिन जनकपुरधाम- ४ स्थित पशुरोग अन्वेशन प्रयोगशालामा संचालनमा ल्याइने छ भने अर्को मेसिन राजविराज स्थित गजेन्द्रनारायण सिंह अस्पतालको ल्यावमा संचालन गरिने छ ।
दुबै ठाँउको लागि मेसिन जडानको काम समेत शुरु र्भै सकेको छ। अगामी सोमवार देखी दुबै पि.सि आर.संचालनमा आउने र उक्त मेसिनमा ४ घण्टा भित्र ९६ जनाको परीक्षण गर्न सक्ने क्षमता रहेको प्रादेशिक प्रयोगशालाका प्रमुख राम विनय साहले बताएका छन । विरगंज स्थित नारायणी उप क्षेत्रीय अस्पतालमा पि.सि.आर. मेसिन जडान भई यस अघि नै कोरोना परिक्षणको कार्य संचालनमा आइ सकेको छ।
प्रदेश २ का सरकारले प्रदेशमा कोरोना संक्रमितको संख्यामा वृद्धि भइ रहेको हुँदा स्थानीय स्तरमै कन्ट्रयाक्ट ट्रेसिङ्ग मार्गदर्शनका लागि अभिमुखी संचालन गर्ने र विभिन्न जिल्लाको विभिन्न स्थानमा गई केस इन्भेस्टिगेशन गर्न समेत आवश्यक बजेटको व्यवस्थापन गरेको छ ।
आफ्नो प्रतिकृया दिनुहोस्