जनकपुरधाम, ३माघ : प्रदेश नम्बर २मा सोमबार बसेको प्रदेशसभाको बैठकले प्रदेश २ को नाम ‘मधेस प्रदेश’ र स्थायी राजधानी जनकपुरधामलाई दुई तिहाई बहुमतबाट पारित गरेको छ ।
बैठकमा प्रदेशसभा सदस्यहरु भरतप्रसाद साह,शैलेन्द्र साह र शैलेन्द्र यादवले प्रदेशको नाम ‘मधेस प्रदेश’ हुनुपर्ने प्रस्ताव गरेपछि भएको गोप्य मतदानमा ९९ सांसद सहभागी भएका थिए, जसमध्ये प्रस्तावको पक्षमा जसपाको ३९, माओवादीका ८ र लोसपाको १६ नेपाल संघीय समाजवादी पार्टी को १अन्य दलका १६ सांसद गरी ८० जनाले समर्थन गरेका थिए भने १९ जनाले विपक्षमा मतदान गरेका थिए ।
हाल प्रदेश सभामा १०४ जना सांसद छन् । प्रदेश २ को राजधानी जनकपुरधाम र त्यसको सिमाना पुर्वमा कमला नदी किनार, दक्षिणमा नेपालको भारत सम्मको सिमाना, पश्चिममा परिक्रमा सडक र उतरमा धनुषाको ढल्केबर कायम भएको छ । त्यस अघि नेपाली कांग्रेसका प्रदेश सदस्य राम सरोज यादवले प्रदेश २ को नाम माथिको भोटिङ तत्काललाई स्थगन गर्ने प्रस्ताव गरेका थिए ।यस भन्दा पहिले पनि ३ चैत २०७६ मा मतदान भए पनि प्रदेशको नामकरण हुन सकेको थिएन ।
आफ्नो प्रतिकृया दिनुहोस्