४असार,जनकपुरधाम:जनताको सुसूचित हुने अधिकारको लागि पत्रपत्रिका प्रकाशन–प्रशारणको सुदृढिकरण र प्रकाशकहरु समेतको हकहितका लागि गठित प्रकाशक महासंघ नेपाल नामक संस्थाको विधान मस्यौदा समिति कायम भएको छ । उपेन्द्र भगत नागवंशीको संयोजकत्वमा भएको बैठकमा तीन सदस्यीय विधान मस्यौदा समिति गठन गरिएको छ ।
समितिमा अधिवक्ता सन्त कुमार कार्की, अग्रज पत्रकार अशोक रौनियार एवं उपेन्द्र भगत नागवंशी रहेका छन् । महासंघका तदर्थ समितिका सदस्य एवं डेली एक्सप्रेसका प्रकाशक शंकर साहले बताए ।
जनकपुरधाम क्षेत्रबाट प्रकाशित हुने पत्र–पत्रिकाहरुको सम्बर्धन, प्रवर्धन र विकास निमित्त प्रकाशक महासंघ गत वैशाख २० गते प्रेश स्वतन्त्रता दिवसका दिन निज नागवंशीको संयोजकत्वमा गठन भएको थियो ।
समय परिवेश अनुसार पत्र–पत्रिका प्रकाशनमा अनेक कठिनाई र बाधाहरु रहेकाले प्रकाशकहरुलाई निकै मार्का पर्ने गरेकाले सो बाधाहरुलाई उचित निकासका लागि सम्बन्धित नियकाहरुसंग सहकार्य गरी प्रकाशक–पत्रकारहरुलाई टेवा दिन महासंघ गठन गरिएको कुरा सदस्य साहले बताए ।
प्रकाशकहरुलाई छिटो–छरितो र सुलभ सस्तो दरमा आ-आफ्ना प्रकाशन नियमित गर्न गराउन तथा बजार सम्म पुर्याउन समेत सहजता र सहयोग प्रकाशक महासंघले गर्ने गराउने मुल ध्येय राखी महासंघ गठन गरिएको छ । हाल बढ्दो महगी र छापाखानावालाको मनपर्दी दररेटका कारण कतिपय प्रकाशकहरु थेग्न नसक्ने गरी आ-आफ्ना प्रकाशनलाई निरन्तरता दिन हम्मे हम्मे परिरहेको अवस्था छ ।
सो अवस्थाबाट समेत निकास दिनका लागि महासंघ सक्रियताका साथ उचित पहल थाल्ने छन् । साथै सामजस्यताका आधारमा सहजीकरण गरी अवरुद्ध रहेका बजार सम्म पुग्न नसकिरहेका पत्र–पत्रिकाहरुलाई बजारसम्म पुर्याउन समेत सहजीकरण प्रकाशक महासंघ नेपालले गर्ने कुरा समेत बुझ्न आएको छ ।
आफ्नो प्रतिकृया दिनुहोस्