२४ असोज,काठमाडौं: यस वर्षको मनसुन मंगलवार देखि नै काठमाडौँ उपत्यका सहित कर्णाली, लुम्बिनी र गण्डकी प्रदेशका सम्पूर्ण भूभाग बाट बाहिरिए पनि केही भेगमा मनसुनी वायुको प्रभाव देखिएको छ ।जल तथा मौसम विज्ञान विभाग, मौसम पूर्वानुमान महाशाखाका अनुसार विहीबार कोसी र मधेस प्रदेशका अधिकांश भूभाग तथा बागमती प्रदेशको पूर्वी भू-भागमा मनसुनी वायुको प्रभाव देखिएको छ ।
बिहीबार बिहान देशका पहाडी भूभागको मौसम आंशिक देखि साधारण तया बदली छ भने बाँकी भूभागमा आंशिक बदली देखि मौसम मुख्यतया सफा रहेको मौसम पूर्वानुमान महाशाखाले जनाएको छ।आज (विहीबार) दिउँसो पनि देशका पहाडी भूभागमा आंशिक देखि साधारण तया बदली रहने छ।
बाँकी भू-भागमा आंशिक बदली देखि मौसम मुख्यतया सफा रहने अनुमान महाशाखाको छ।कोसी प्रदेशका थोरै तथा बागमती र गण्डकी प्रदेश सहित बाँकी पहाडी भूभागका एक दुई स्थानमा दिउँसो पनि मेघ गर्जन र चट्याङ सहित हल्का देखि मध्यम वर्षा हुने सम्भावना छ।
महाशाखाले यस अघि नै यस वर्ष दसैँको सप्तमी (२४ गते), अष्टमी( नवमी )२५ गते र दशमी (२६ गते) का दिनमा कोशी प्रदेश र मधेस प्रदेश लगायत बागमती र गण्डकी प्रदेशका पहाडी भूभागमा आंशिक देखि साधारण तया बदली रहने जनाइ सकेको छ ।
नेपालमा यही असोज २० गते देखि मनसुन बहिर्गमन सुरु भएको थियो। यस वर्षको मनसुन गत जेठ २८ गते भित्रिएको थियो।
आफ्नो प्रतिकृया दिनुहोस्