२७ कार्तिक,काठमाडौं: ज्यान मार्ने उद्योगमा दोषी ठहर भएका गण्डकी प्रदेशका पूर्व-मन्त्री दीपक मनाङे काठमाडौं बाट पक्राउ परेका छन् ।सर्वोच्च अदालत बाट ज्यान मार्ने उद्योगमा दोषी ठहरिएका प्रदेश सांसद दीपक मनाङे उर्फ राजीव गुरुङ लाई पक्राउ गरि अदालतमा उपस्थित गराइएको हो ।
विसं २०६१ सालमा ठेक्का-पट्टा र असुली धन्दामा कुरा नमिले पछि दीपक मनाङे उर्फ ‘राजीव गुरुङ’ को गुण्डा समूहले अर्का गुण्डा नाइके चक्रे मिलन माथि तरबार प्रहार गरी हात छिनाएको थियो ।तत्कालीन पुनरावेदन अदालत पाटनले मनाङे लाई ज्यान मार्ने उद्योगमा पाँच वर्ष कैद हुने फैसला सुनाएको थियो ।
कात्तिक २० गते सर्वोच्च अदालतले पनि मनाङे लाई ज्यान मार्ने उद्योगमा दोषी ठहर गरेको थियो । न्यायाधीशद्वय नहकुल सुवेदी र टेक प्रसाद ढुङ्गानाको इजलासले मगलबार गण्डकी प्रदेशका पूर्व-मन्त्री समेत रहेका मनाङे लाई ज्यान मार्ने उद्योगमा तत्कालीन पुनरावेदन अदालत पाटनको सोही फैसला लाई सदर गर्दै दोषी ठहर गरेको हो ।
प्रहरीका अनुसार २१ वर्ष अघि चक्रे मिलनको हात छिनालेको घटनामा उनी काठमाडौंको सानो भर्याङबाट पक्राउ परेका हुन् । प्रहरीको केन्द्रीय अनुसन्धान ब्युरोको सादा पोशाकको टोलीले मनाङे लाई बिहान स्वयम्भू, सानो भर्याङ्ग स्थित कम्फोर्ट हाउजिङ बाट पक्राउ गरेको थियो । पक्राउ पछि उनलाई स्वास्थ्य जाँचका लागि अस्पताल लगिएको थियो ।
मनाङेले सामाजिक सञ्जालमा विज्ञप्ती जारी गर्दै सर्वोच्च अदालत बाट फैसलाको पूर्ण पाठ आए पछि अदालतमा आफैँ उपस्थित हुने बताएका थिए ।
आफ्नो प्रतिकृया दिनुहोस्