२४ मंसिर: काठमाडौं फोटोग्राफर संघले ‘केपीए वेडिङ फोटो अवार्ड’ २०२४ को आयोजना गर्ने भएको छ ।सोमबार काठमाडौंमा पत्रकार सम्मेलनको आयोजना गरी कार्यक्रमका संयोजक आनन्द प्रभाकर घिमिरेले आगामी पौष १२ गते काठमाडौंको जमल स्थित राष्ट्रिय नाचघरमा अवार्ड कार्यक्रम आयोजना गर्न लागेको जानकारी दिए ।
उनले फोटोग्राफी र भिडियो ग्राफीमा आफ्नो भविष्य खोजिरहेका देशभरका सहकर्मीहरु लाई प्रोत्साहन र दक्षता विकासको उदेश्यका साथका अवार्ड कार्यक्रम आयोजना गर्न उनले जानकारी दिए ।
उनले भने,‘अवार्ड फोटोग्राफी र भिडियो ग्राफीमा आफ्नो भविष्य खोजिरहेका देशभरका सहकर्मीहरु लाई प्रोत्साहन र दक्षता विकासको उदेश्यका साथ आयोजना गर्दैछौं ।’
अवार्डका लागि नेपाल भरका प्रतिभाशाली फोटो ग्राफरहरूले आफूले खिचेका विवाहका अधिकतम दुई वटा उत्कृष्ट फोटोहरू पेश गर्न सक्ने छन् ।विवाहको भिडियो टिजर एमपिफोरमा, अधिकतम १ मिनेट ३० सेकेन्डको र २०० एमबी भन्दा कम साइजमा तयार गरी अधिकतम १ वटा भिडियो पठाउन सक्ने छन् ।
फोटो तथा भिडियो मंसिर ३० गते सम्ममा पठाइ सक्नु पर्ने छ । अवार्ड सँग प्रतिस्पर्धामा प्रथम घोषित लाई फूल फ्रेम मिररलेश क्यामेरा पुरस्कार स्वरुप प्रदान गरिने आयोजकले जनाएको छ ।
आफ्नो प्रतिकृया दिनुहोस्