२९ वैशाख, रौतहट: सामाजिक सञ्जालमा धार्मिक सम्प्रदाय प्रति आपत्तिजनक सामग्री पोष्ट गरेको आरोपमा रौतहट प्रहरीले एक किशोर लाई पक्राउ गरेको छ।
गौर नगरपालिका–४ टिकुलियाका १६ वर्षीय साजिद खानलाई प्रहरीले धार्मिक सद्भावमा खलल पुर्याउने खालको भिडियो बनाइ सामाजिक सञ्जालमा सार्वजनिक गरे पछि नियन्त्रणमा लिएको हो। उक्त भिडियो आइतबार राति पोस्ट गरिएको थियो।
भिडियो सार्वजनिक भए पछि स्थानीय अगुवाहरूले यसले धार्मिक समुदाय बीच द्वन्द्व चर्काउने भन्दै तत्काल कारबाहीको माग गरेका थिए। त्यस पछि जिल्ला प्रहरी कार्यालय रौतहटले सोमबार बिहान खानलाई पक्राउ गरी अनुसन्धान सुरु गरेको हो।
प्रहरी उपरीक्षक नेत्रमणि गिरीले सामाजिक सञ्जालमा धार्मिक सद्भाव विथोल्ने खालको सामग्री पोष्ट गर्ने व्यक्तिलाई नियन्त्रणमा लिइ आवश्यक अनुसन्धान अघि बढाइएको जानकारी दिए।
उनले धार्मिक संवेदनशीलता कायम राख्न र समाजमा शान्ति र सद्भाव जोगाउन यस्ता कार्य नगर्न सबैमा अपिल समेत गरेका छन्।
आफ्नो प्रतिकृया दिनुहोस्