२९ जेठ,काठमाडौं : सञ्चारकर्मी दिलभुषण पाठकले संचालन गरेको युट्युब च्यानल ‘टफ टक’मा आबद्ध पत्रकार नारायण अर्याल प्रहरी निगरानीमा छन् ।
अर्यालले आफूलाई प्रहरीले पिछा गरिरहेको बताए । विहीबार विहान देखि ललितपुर कुपोन्डोल निवास नजिक प्रहरीले निगरानी बढाएको नेपाल प्रेस युनियनका केन्द्रीय अध्यक्ष शिव लम्सालले पुष्टि गरे । अर्याल लाई पक्राउ गर्न खोजीरहेको लम्सालले जनाए ।
उनले भने,‘प्रेस स्वतन्त्रता दबाउने र पत्रकार माथि मुद्दा लगाउने सरकारको यो कदम लोकतन्त्रको लागि खतरा हो।’ पाठकलाई काठमाडौँ जिल्ला अदालतले यस अघि नै पक्राउ पुर्जी जारी गरिसकेको छ ।
सञ्चारकर्मी पाठकले आफ्नो युट्युब च्यानल मार्फत प्रसारण गरेको एक भिडिओ सामग्रीलाई लिएर उनी विरुद्ध अदालतले पक्राउ पुर्जी जारी गरेको हो ।
पाठकले आफ्नो युट्युब कार्यक्रम ‘टफ टक’को ‘टफ एक्स्प्लेनर’ शृङ्खलामा काङ्ग्रेस सभापति शेरबहादुर देउवाका छोरा जयवीर देउवाको व्यावसायिक संलग्नताबारे एक रिपोर्ट प्रसारण गरेका थिए ।
लामो समय कान्तिपुर टेलिभिजनमा आबद्ध भएका पत्रकार अर्याल पछिल्लो समय ‘टफ टक’मा सम्पादकीय नेतृत्व गरिरहेका थिए । उनलाई विहीबार विहान देखि नै प्रहरीले पिछा गरिरहेको थियो ।
आफ्नो प्रतिकृया दिनुहोस्