काठमाडौं । मेडिकल व्यवसायी दुर्गा प्रसाईँले जेनजी आन्दोलनलाई विदेशी शक्तिहरूको योजना अनुसार गरिएको दाबी गरेका छन् । उनका अनुसार आन्दोलन पछि देशमा विदेशी प्रभाव अस्वाभाविक रूपमा बढेको छ ।
सोमबार झापाबाट फर्कंदै गर्दा त्रिभुवन अन्तर्राष्ट्रिय विमानस्थलमा सञ्चारकर्मीहरूसँग कुरा गर्दै उनले भाद्र २३ गतेको जेनजी आन्दोलन प्रारम्भिक दुई घण्टा मात्र स्वदेशी युवाहरूको रहे पनि त्यस पछि विदेशीहरूले नियन्त्रणमा लिएको बताए ।
उनका अनुसार, “भाद्र २३ गते ११ बजे देखि १ बजे सम्म आन्दोलन जेनजी युवाहरूले गरेका थिए, तर १ बजे पछि पूरा आन्दोलन विदेशीहरूको नियन्त्रणमा गयो । देशका ऐतिहासिक संरचना र दस्तावेज सुरक्षित स्थानहरूमा आगजनी गरियो, जुन सबै देश विघटन गर्ने उद्देश्यले गरिएको हो,” उनले आरोप लगाए ।
प्रसाईँले आरोप लगाउँदै भने, “एउटा कोठामा बसेर विदेशीहरूले नै आन्दोलनको सम्पूर्ण डिजाइन तयार गरेका थिए । सरकार समेत डलरको प्रभावमा बनेको छ, जसले देशलाई नीतिगत रूपमा कब्जा गरेको छ।” उनले आगामी फागुन २१ गते निर्धारित निर्वाचन हुन नसक्ने दाबी पनि गरे ।
आफ्नो प्रतिकृया दिनुहोस्