१८ चैत,वीरगञ्ज । राष्ट्रिय स्वतन्त्र पार्टी (रास्वपा)का सभापति रवि लामिछाने पर्सा जिल्ला अदालतमा उपस्थित भई कानुनी प्रक्रिया पूरा गरेपछि काठमाडौं फर्किएका छन्।बुधबार सिमरा हुँदै वीरगञ्ज पुगेका लामिछानेले अदालतमा हाजिर भई म्याद बुझ्ने प्रक्रिया सम्पन्न गरेका हुन्।
आवश्यक औपचारिकता पूरा गरेपछि उनी सोही दिन अपराह्न सुरक्षा व्यवस्थाका बीच काठमाडौं फर्किएका छन्।उनको अदालत उपस्थितिलाई ध्यानमा राख्दै बिहानै देखि अदालत परिसरमा कडा सुरक्षा व्यवस्था गरिएको थियो। नेपाल प्रहरी र सशस्त्र प्रहरी बलको संयुक्त टोली परिचालन गरी सम्भावित भीड नियन्त्रण गरिएको थियो।
लामिछाने अदालत पुग्दा उनका समर्थकहरू पनि आसपास क्षेत्रमा जम्मा भएका थिए।यस अघि पनि विभिन्न मुद्दाका सिलसिलामा लामिछाने पटक–पटक अदालतमा उपस्थित हुँदै आएका छन्। पछिल्लो उपस्थिति सँगै उनले कानुनी दायित्व पूरा गर्दै पुनः काठमाडौं फर्किएका हुन्।
आफ्नो प्रतिकृया दिनुहोस्