२८ जेठ :जनकपुरधाम उपमहानगरपालिकाका नव निर्वाचित मेयर मनोज कुमार साहले विगत पाँच वर्षको स्थानीय सरकार ले जनकपुरधाम उपमहानगरपालिकामा कुनै पनि महत्वपूर्ण कानून निमार्ण नगरेको हुदाँ अहिले आएर आफुलाई कानूनको विशेष अभावमा काम गर्न समस्या परेको बताएका छन् ।
नेपाली काँग्रेस जनकपुरधाम वडा नं.२ को कार्यसमितिले शनिबार आयोजना गरेको स्वागत तथा सम्मान कार्यक्रममा बोल्दै मेयर साहले आफनो पहिलो प्राथमिकतामा फोहर व्यवस्थापन रहेको भन्दै आगामी छ महिना भित्र ल्याण्ड फिल्ड साइटको शिलान्यास गरिने प्रतिबद्धता समेत व्यक्त गरेका छन् ।
उनले जनकपुरधाम उपमहानगरपालिकाको प्रमुख समस्याको रुपमा रहेको फोहर व्यवस्थापन ,ट्राफिक व्यवस्थापन र छाडा चौपाया नियन्त्रण गर्न योजना अनुरुप गृहकार्य शुरु गरि सकेको तथा सडक पेटीमा नागरिकहरुलाई सहज आवागमन को अनभूति दिलाउन फुटपाथको खुद्रा बजारहरुलाई अन्य ठाँउमा व्यवस्थापन गरीने बताए ।
जनकपुरधाम उपमहानगरपालिका क्षेत्रको अनुहार फेरी मतदाताको मतको उच्च सम्मान गरेर देखाउने र उपमहानगरपालिकाले आगामी दिनमा नगरबासीको सेवा र सुविधालाई ध्यानमा राख्दै अन्य थुप्रै कार्यक्रम र महत्वपूर्ण योजनाहरु अगाडी सार्ने मेयर साहले भनेका छन् ।कार्यक्रममा बोल्दै नव निर्वाचित नगर उपप्रमुख किशोरी साहले नगर विकासको कार्यमा नगर प्रमुखलाई आफुले पूर्ण इमान्दारिताका साथ सघाउने प्रतिबद्धता व्यक्त गरे ।
सम्मान कार्यक्रममा नेपाली काँग्रेस धनुषाका जिल्ला उपसभापति गणेश झा, प्रदेश महाधिवेशन प्रतिनिधि प्रदिप चौधरी ,वडा सदस्य अमित साह लगायतका वक्ताहरुले आ -आफ्नो विचार प्रकट गरेका थिए ।नेपाली काँग्रेस वडा नं.२ का सभापति रामलोचन यादवको अध्यक्षतामा भएको उक्त कार्यक्रममा जिल्ला सदस्य बद्री यादव ,महाधिब्शन प्रतिनिधि राम प्रसाद पजियार ,नगर कोषाध्यक्ष विरेन्द्र यादव सहितका व्यक्तिहरुको उपस्थिति रहेको थियो । वडा सचिव काशी साहले संचालन गरेको कार्यक्रममा वडा उप-सभापति शितल यादवले स्वागत मन्तव्य राखेका थिए ।
आफ्नो प्रतिकृया दिनुहोस्