काठमाडौं : संयुक्त विद्यार्थी संगठनले शिक्षा ऐन विरुद्ध विरोध प्रदर्शन गरेको छ ।बुधबार काठमाडौंको माईतीघरमा संगठनले शिक्षामा निजीकरणरण र व्यापारीकरणको अन्त्य सहितको समग्र शिक्षा ऐनको माग गर्दे विरोध प्रदर्शन गरेको हो ।
कार्यक्रममा क्रान्तिकारीको असन्तुष्ट समूहका संयोजक पवन कार्कीले देशमा शिक्षा स्वाथ्य रोजगार आम नागरिकको मौलिक अधिकार भनेर लेखिएको भएता पनि संविधान बनेको ८ वर्षसम्म कार्यान्वयन नभएको भन्दै आक्रोस् पोखे ।उनले सरकारले संविधानमा लेखेको कुरा कि कार्यान्वयन गर्नु कि संविधान मान्दैनौ भनेर घोषणा गर्नुपर्ने बताए ।
उनले भने,‘देशमा शिक्षा स्वाथ्य रोजगार आम नागरिकको् मौलिक अधिकार भनेर लेखिएको छ त्यो कुरा कहिले कार्यान्वयन हुने ?भन्ने प्रश्न गम्भीर छ । यो प्रश्नको हल खोज्न सडकमा आएका हौं । संविधानमा लेखेको कुरा कि कार्यान्वयन गर्नु पर्छ कि संविधान मान्दैनौं ।’उनले देशमा निजी शिक्षाको अन्त्य शिक्षामा व्यापार भईरहेको भन्दै निजी शिक्षाको अन्त्य हुनुपर्ने माग गरे ।
उनले भने,‘अब यो देशमा निजी शिक्षाको अन्त्य हुनुपर्छ देशमा शिक्षामा भएको माफियाकरणको अन्त्य हुनुपर्छ अब यो देशमा शिक्षामा व्यापार गर्ने कुरा कदापी स्वीकार्य हुन सक्दैन त्यसको अन्त्य हुनुपर्छ ।’शिक्षामा निजीकरणरण र व्यापारीकरणको अन्त्य सहितको समग्र शिक्ष ऐन जारी,विश्वविद्यालय दलीय भागबण्डाको अन्त्य ,विश्वविद्यालयको् शैक्षिक क्यालेन्डर कार्यान्वयन लगायतको माग उनीहरुको रहेको छ ।
आफ्नो प्रतिकृया दिनुहोस्