७ चैत्र,जनकपुरधाम: माध्यमिक शिक्षा परीक्षा (एसईई) आज देखि सुरु भएको छ। मधेश प्रदेशभरि ८८ हजार ८५८ विद्यार्थीले परीक्षा दिइरहेका छन्।
शिक्षा विकास निर्देशनालय, मधेश प्रदेशका अनुसार, परीक्षार्थीहरू १ हजार २३१ विद्यालयका विद्यार्थी हुन्, जसका लागि ३१२ वटा परीक्षा केन्द्र तोकिएका छन्।
यस वर्ष धनुषा बाट सबैभन्दा बढी १३ हजार ६५४ विद्यार्थी एसईईमा सहभागी भएका छन्, जसका लागि १९५ विद्यालय रहेको छ। सप्तरी बाट भने सबैभन्दा कम ८ हजार ७१५ विद्यार्थी सहभागी भएका छन्, जहाँ १४२ विद्यालय छन्।
परीक्षाको सुरक्षाका लागि ४ हजार ६८० सुरक्षाकर्मी परिचालित छन् भने १२ हजार २४२ कर्मचारी खटाइएको छ। निर्देशनालयका अनुसार, सिरहामा ४९, धनुषामा ४५, बारामा ४२, रौतहटमा ४०, सर्लाहीमा ३८, सप्तरीमा ३७, महोत्तरीमा ३२ र पर्सामा २९ परीक्षा केन्द्र तोकिएको छ।
एसईई परीक्षाको व्यवस्थापनका लागि ३१२ केन्द्राध्यक्ष, ४५९ सहायक केन्द्राध्यक्ष, ४ हजार ३७० निरीक्षक, ७५५ परीक्षा सहायक र १ हजार ६६६ कार्यालय सहयोगी खटाइएका छन्।
यस अघि, मधेश प्रदेश सरकारले गोलाप्रथाबाट केन्द्राध्यक्ष छनोट नगरेको भन्दै प्रदेश सरकारको एसईई परीक्षा सँग कुनै सरोकार नरहेको मुख्यमन्त्री सतीश कुमार सिंहले घोषणा गरेका थिए।
आफ्नो प्रतिकृया दिनुहोस्