काठमाडौं : नेकपा (एमाले)का लुम्बिनी प्रदेश सचिवालय सदस्य शान्तिदेवी हरिजन सहितका नेता कार्यकर्ता पार्टी परित्याग गरी नेकपा (माओवादी केन्द्र) प्रवेश गरेका छन् ।प्रधानमन्त्री निवास बालुवाटारमा अध्यक्ष पुष्पकमल दाहाल ‘प्रचण्ड’ सँग भेट गरी उनले एमाले परित्याग गरी माओवादी केन्द्र प्रवेश गरेका हुन् ।
अध्यक्ष प्रचण्डले एमाले लुम्बिनी सचिवालय सदस्य हरिजन, लुम्बिनी प्रदेश सदस्य रामविलास यादव, कपिलवस्तु जिल्ला सदस्य सन्दिप मौरिया, अधिकारकर्मी एवं प्राध्यापक सञ्जय कुमार पासी लगायत नेता कार्यकर्तालाई पार्टीमा स्वागत गरेका छन् ।
पार्टीमा स्वागत गर्दै उनले मुलुकमा अस्थिरता निम्त्याउने शक्ति सल्बलाइरहेकाले उत्पीडित समुदाय एक हुनुपर्ने बताए ।पिछडिएका तथा उत्पीडित वर्गको उत्थान, उचित सम्मान र राज्यका निकायमा सम्मान जकन प्रतिनिधित्व हुनुपर्छ भन्ने चाहेको उनको भनाई छ ।
आफ्नो प्रतिकृया दिनुहोस्