०१,आश्विन,काठमाडौं: नेपाली कांग्रेसका सभापति शेर बहादुर देउवाले इतिहासले गरेका गल्तीहरु अझै पनि समाधान गर्न नसकिएको बताएका छन् ।मंगलबार पार्टी कार्यालयमा आयोजित नेपाली कांग्रेस द्वारा आयोजित ‘संविधानको एक दशक–कार्यान्वयन र चुनौती’ विचार गोष्ठी लाई सम्बोधन गर्दै उनले विभिन्न जातजातिले बनेको देश नेपालमा अझै पनि विभाजनमा रहेको भन्दै उनले कतिपय कुराहरु कानूनी रुपमा समाधान भएता पनि छुवाछुत लगायतका कतिपय कुराहरु अझै पनि व्यहारमा भने लागू हुन नसकेको बताएका छन ।
उनले भने,‘हामी प्रजातन्त्रको लागि पहिले देखि नै लडेर आएको हो । जेलनेल सबै कुराहरु भोगेको हाम्रो पार्टी कुनै पनि हालतमा प्रजातन्त्रको खिलाफको काम नगर्ने प्रतिवद्धता जनाए । प्रजातन्त्र अझ कसरी मजबुत बनाएर अगाडि बढाउने र जनताका प्रति अझ बढि जवाफदेही बनाउने कुरा आजको आवश्यकता रहेको उनको भनाइ थियो।
सभापति देउवाले प्रदेश संरचना हटाउने विषयमा धेरै कुरा उठ्ने गरेको भन्दै बनिसकेको प्रदेश संरचना कुनै पनि हालतमा नहट्ने स्पष्ट पारे ।‘ बनिसकेको , प्रदेश संरचनालाई कसरी अझ उत्तरदायी बनाउने भन्ने विषयमा विचार गर्ने भन्ने हो, । सँधै प्रदेशबाट समानुपातिक ल्याउने समस्या रहेको भन्दै जब सम्म नेपालमा आफै चुनाव जितेर आउने वातावरण बन्दैन् तब सम्म समावेशी राजनीति आवश्यक रहेको धारणा राखे ।
आफ्नो प्रतिकृया दिनुहोस्