२४बैशख,(आशिष कुमार):जनकपुरधाम उप-महानगरपालिका वडा नं. १४ स्थित मणिपाल स्थल को आन्तरिक मामिला तथा कानुन मन्त्री ज्ञानेन्द्र कुमार यादवले आज औचक निरिक्षन गरेका छन्। कोविड-१९ को विरामी लाई आइसलोसनमा राखी उपचार गर्ने उदेश्य ले निर्माण गरिने उक्त ठाउँको मन्त्रि यादवले निरिक्षन गरेका हुन्।
प्रदेश २ का सरकारले Oxygen सहितको सुविधा सम्पन्न १०० शैया को आइ. सी. यु. बेड निर्माण गर्ने निर्णय समेत गरि सकेको तथा यसको मास्टर प्लान इन्जिनियर भगवान झा द्वारा सम्पन्न गरिने भएको हुँदा मन्त्रि यादवले इन्जिनियर झा संग निरिक्षन स्थलबाटै यसको समय सिमा बारे जानकारी मांग गर्दै यस आस्थ्यी कोविड अस्पतालको निर्माण यथाशिघ्र गराउन आग्रह समेत गरेका थिए।
यस संगै उनले जनकपुरधामको बजारमा आधा मास्क लगाएर हिड्ने नागरिकहरु लाई पनि पूर्ण रुपले सावधानी अपनाएर मुख, नाक छोपी अति आवस्यक काम भए मात्र घरबाट बाहिर निस्किने आग्रह गरेका थिए। साथ साथै आन्तरिक मामिला तथा कानुन मन्त्री ज्ञानेन्द्र कुमार यादवले स्थानीय प्रहरी इन्चार्जहरु लाई पनि जनताहरुसंग धैर्यता पुर्वक निषेधआज्ञा को पूर्ण पालना गराउन निर्देशन दिएका छन् ।
आफ्नो प्रतिकृया दिनुहोस्