भारत सँगको असमान सम्बन्ध सुधार नभए सम्म विकास असम्भव : डा. भट्टराई

काठमाडौं : नेपाल समाजवादी पार्टीका अध्यक्ष डा. बाबुराम भट्टराईले पार्टी गठन र एजेण्डा उठाएर वैकल्पिक शक्ति बन्न नसक्ने बताउनु भएको छ ।डा. मुक्ति रिजाल द्वारा लिखित पुस्तक ‘बाबुराम : एक दुरदर्शी विद्रोही’ को शनिबार विमोचन कार्यक्रममा बोल्दै उनले वैकल्पिक अवधारणा, सोच, नीति र कार्यक्रम नै वैकल्पिक शक्ति भएकाले पार्टी निर्माणको विकल्प नभएको बताए ।

उनले भने, ‘पार्टी बनाउने, चार जना जम्मा गर्ने, नेता बन्ने, कुनै न कुनै एजेण्डा तय गर्ने विकल्प जस्तो देखिन्छ, यस्तो हुनु हुँदैन ।अवधारणा, वैकल्पिक सोच, नीति कार्यक्रम र विश्व र नेपाल सुहाउँदो नीति व्यवहार र आचरण लिएर जान्छ त्यो नै वैकल्पिक भएर आउँछ ।’

यस्तै,उनले भारत सँगको असमान सम्बन्ध नसच्याए सम्म नेपालको विकास हुन नसक्ने भन्दै यसलाई तथ्यको आधारमा नयाँ पुस्ताले अघि बढाउनु पर्ने बताए । उनले भने, ‘म कसै लाई गाली गर्ने पक्षमा छैन ।

तर भारतको अर्थतन्त्र ठूलो छ, हाम्रो सानो छ।खुला सिमानाले गर्दा प्रतिस्पर्धा गर्नै सकिदैन्, त्यसले गर्दा भारतसँगको जुन असमान सम्बन्ध बन्यो, त्यसलाई नसच्याए सम्म नेपालको विकास हुँदैन ।’