६ चैत्र,काठमाडौं: नेपाल समाजवादीका अध्यक्ष डा. बाबुराम भट्टराईले सरकारमा हुँदा सबै राम्रो भएको दाबी गर्ने तर बाहिरिएपछि सबै बिग्रिएको भन्न थालेको प्रवृत्ति हावी भएको बताएका छन्।
बुधबार माइतीघरमा प्रत्यक्ष निर्वाचित राष्ट्रपतिको माग गर्दै आयोजित प्रदर्शनमा बोल्दै उनले कांग्रेस सभापति शेरबहादुर देउवा, प्रधानमन्त्री केपी शर्मा ओली र माओवादी केन्द्रका अध्यक्ष पुष्पकमल दाहाल (प्रचण्ड) लाई ‘छोटे राजा’ जस्तो देखिन खोजेको आरोप लगाए।
“अहिले तीन नेताहरू वैद्यको अर्को रुपझैं देखिएका छन्। उनीहरू पालैपालो सरकारमा आउँछन्, हुँदा सबै ठीक छ भन्ने गफ दिन्छन्। तर, सरकारबाट बाहिरिने बित्तिकै देश खत्तम भयो भन्दै हिँड्छन्,” भट्टराईले भने।
उनले संविधान जारी भएको ९ वर्षमा ११ सरकार परिवर्तन भइसकेको स्मरण गराउँदै स्थिरताका लागि प्रत्यक्ष निर्वाचित राष्ट्रपतिको व्यवस्था आवश्यक रहेको दोहोर्याए। साथै, उनले राजतन्त्र फर्किने कुनै सम्भावना नरहेको उल्लेख गर्दै राजावादी प्रदर्शनलाई महत्व नदिन आग्रह गरे।
आफ्नो प्रतिकृया दिनुहोस्