२२ असार,जनकपुरधाम । नेकपा एमालेका वरिष्ठ नेता तथा प्रतिनिधि सभा सदस्य रघुवीर महासेठले नेपाली कांग्रेसका नेता बिमलेन्द्र निधि माथि जनकपुरधामको विकासमा अवरोध गरेको आरोप लगाएका छन्।
आइतबार जनकपुरधाममा आयोजित पत्रकार सम्मेलनमा महासेठले निधिको कारणले रिङ्ग रोड, डम्पिङ साइट लगायत दर्जनौं विकास आयोजनाहरू अघि बढ्न नसकेको दाबी गरे। उनले जनकपुरधामको पूर्वाधार विकासमा व्यक्तिगत स्वार्थको कारण बारम्बार बाधा पुर्याइएको आरोप लगाए।
यस अघि शनिबार कांग्रेस नेता निधिले राजर्षि जनक विश्वविद्यालयको भवन निर्माणमा महासेठ र उनकी पत्नी जुली महतोले अवरोध गरेको आरोप लगाएका थिए। सो आरोप प्रति प्रतिक्रिया दिँदै महासेठले आफू र पार्टीको तर्फ बाट कुनै अवरोध नरहेको स्पष्ट गरे। उनले प्रधानमन्त्री केपी शर्मा ओली सँग समेत निर्माण कार्य छिटो अघि बढाउन पहल गरेको दाबी गरे।
महासेठले जिल्ला प्रहरी प्रशासन प्रति पनि असन्तुष्टि जनाउँदै, पदीय दायित्वको पालना नगरी एक पक्षीय ढंगले काम गरिरहेको आरोप समेत लगाए।
आफ्नो प्रतिकृया दिनुहोस्