जनकपुर । मधेश प्रदेश सरकार संकटमा परेको छ। जनमत पार्टीले समर्थन फिर्ता लिँदै सरकारबाट बाहिरिने निर्णय गरे सँगै प्रदेश सरकार ढलेको हो।
जनमत प्रदेश संसदीय दलका नेता महेश प्रसाद यादवले प्रदेश प्रमुख कार्यालयलाई समर्थन फिर्ता लिएको जानकारी गराएका छन्। सोसँगै मुख्यमन्त्री सतिश कुमार सिंह र जनमत पार्टीका मन्त्रीहरूले समेत सरकारबाट राजीनामा दिने घोषणा गरेका छन्।
यद्यपि, यसअघि ‘जेनजी आन्दोलन’ का दिन मुख्यमन्त्री सिंहले आफ्नो फेसबुक मार्फत राजीनामा घोषणा गरेका थिए। तर, पछि सञ्चार माध्यमहरूसँग कुरा गर्दै उनले परिस्थितिलाई शान्त पार्न मात्र सो घोषणा गरिएको बताए।
प्रदेश प्रमुख कार्यालयका अनुसार मुख्यमन्त्री सिंहको आधिकारिक राजीनामा पत्र भने कार्यालयमा दर्ता भएको छैन। तर, समर्थन फिर्ता लिएको औपचारिक सूचना आए पछि मधेश प्रदेश सरकार ढलेको पुष्टि भएको हो।
आफ्नो प्रतिकृया दिनुहोस्