जनकपुरधाम, अषाढ १ : मुख्यमंत्री लालबाबु राउतले सातौ अन्तराष्ट्रिय योग दिवसको अवसरमा सात दिवसीय योग शिविरको शुभारम्भ गर्नु भएको छ । पतंजलि योग समिति प्रदेश नं.२ ले आयोजना गरेको सात दिवसीय योग शिवरको प्रमुख अतिथि मुख्यमंत्री राउतले आफनै निवास बाट भर्चुअल प्रविधि मार्फत शुभारम्भ गर्नु भएको हो । मुख्यमंत्री निवास मधेश भवनमा आयोजित कार्यक्रमको उद्घाटन गर्नु हूँदै मुख्यमंत्री राउतले अहिलेको व्यस्त जीवनमा आफु स्वस्थ्य रहन योग अपरिहार्य रहेको बताउनु भएको छ ।
योगलाई जनजनमा पुर्याउन बाबा रामदेवले खेल्नु भएको भूमिका एवं विश्व स्तरमा स्थापित गराउन भारतीय प्रधानमन्त्री नरेन्द्र मोदीको भूमिकालाई प्रशंसा गर्नु हुँदै मुख्यमंत्री राउतले शहरी क्षेत्रमा मात्र सिमित योगलाई ग्रामीण क्षेत्र सम्म पुर्याउनु पर्नेमा जोड दिएका छन ।उद्घाटन समारोहमा प्रदेश सभा सदस्य एवं पतंजलि योग समितिका प्रमुख सल्लाहकार कौशल यादवले स्वागत मन्तव्य राख्नु भएको थियो ।
पतंजलि योग समितिका प्रदेश अध्यक्ष हरिहरलाल चौधरीको अध्यक्षतामा भएको कार्यक्रममा भूमि व्यवस्था कृषि तथा सहकारी राज्यमन्त्री योगेन्द्र राय यादव, प्रमुख सचिव गोकर्ण मणि दुवाडी, मुख्यन्यायधिवक्ता दिपेन्द्र झा, पतंजलि योग शिविरका पदाधिकारीहरु सहितको उपस्थिति रहेको थियो । शिविरमा योगको संचालन समितिका केन्द्रिय प्रभारी लव देव गुरुले गर्नु भएको थियो । अन्तराष्ट्रिय योग दिवस अषाढ ७ गते विश्व व्यापीरुपमा मनाइने गरिन्छ ।
आफ्नो प्रतिकृया दिनुहोस्