जनकपुर । मधेश प्रदेशका मुख्यमन्त्री सतिश कुमार सिंहले प्रदेश सभाबाट विश्वासको मत लिन लागेका छन्।मुख्यमन्त्री सिंहले आज प्रदेश सभालाई पत्र लेखेर असोज २८ गते विश्वासको मत लिने व्यवस्था मिलाइ दिन आग्रह गरेका छन्।
गत बुधबार मात्र कांग्रेस मधेश प्रदेशका संसदीय दलका नेता कृष्ण प्रसाद यादवले प्रदेश प्रमुख कार्यालयमा प्रदेश सरकारको नेतृत्वको दाबी पेश गरेका थिए। उनले एमाले र जनमत सँग मिलेर सरकार गठन गर्न सक्ने दाबी गरेका थिए।
मुख्यमन्त्री सिंहको विश्वासको मत लिने पत्रले राजीनामा दिने चर्चा भइरहेको अवस्थामा उनले आफ्नो पदमा रहि रहने स्पष्ट संकेत गरेको छ।
आफ्नो प्रतिकृया दिनुहोस्